UMPASA TINGKI MARHATA SINAMOT:

Dia ma nuaeng langkatna, dia ma unokna;
Dia ma hatana, dia ma ni dokna.

Bona ni aek puli dolok ni Sitapongan
Sai tubu ma di hamu angka na uli sai tamba nang pansamotan

Ranting ni bulu duri, jait marsijaotan
Siangkup ni hata nauli dia ma nuaeng sitaringotan

Ampapaga dolok tu ampapaga ni Humbang
Hita do marsogot, laos hita do haduan

Pitu ninna lilina, paualu jugianna
Nauli do ninna nipina, ai dijangkon borumuna do ibana

Tinapu bulung siarum, bahen uram ni pora-pora
Na hansit gabe malum, molo dapot sinangkap ni roha

Ndang tuktuhan batu, dakdahan simbora
Ndang tuturan datu, ajaran na marroha

Pat ni gaja tu pat ni hora
Anak ni raja do hamu, pahompu ni na mora

Pitu lili nami paualu jugian nami
Nauli do nipi napi, ai gohan muna ma hajut nami

Mangula ma pangula di rura pangaloan
Molo mangido hula-hula, ndang jadi so oloan

Sambil na tartondong, dapotsa papaluan
Asa denggan martondong, unang marsipailaan

Lubuk ni siguragura denggan do panjalaan
Molo sai mangigil hula-hula, olat ni naboi ba tinambaan